Ma Esther García López
Degol.lada-Valdés-Asturias. Llicenciada en Pedagoxía, escritora y poeta n’asturianu y en castellán. Destaquen los sos poemarios: L.luribaga (2003), Zamparrampa (2004), Tiempu d’iviernu (2005), Faraguyas (haikus) (2007), Pisadas (2008), poemariu col qu’algamó’l “Premiu Uviéu de Poesía” (Ayuntamientu d’Uviéu). Recibe otros premios en narrativa, como’l Fernandez Lema (L.luarca, 2007) y el Xosé Álvarez del Centro Asturiano de Madrid (2007 y accesit 2009). Ye autora de varios llibros de lliteratura infantil y de llibros de didáutica ya investigación histórica y etnográfica. Ye coautora de llibros de testu pa la enseñanza del asturianu. La so obra forma parte de varies antoloxíes. Collaboradora habitual nel periódicu LNE y na Cadena SER d’Avilés.
Esther tien nel so haber varios galardones, ente los que destaquen: Urogallo de Bronce del Centro Asturiano de Madrid (2007); Premio Timón a la trayectoria lliteraria, L’Arribada, Xixón (2016); Poeta del Alba en l’Alborada de Candás (2017). Dellos de los poemas fueron musicaliza- dos pol compositor Ernesto Paredano pal discu Alebrix (2007); pol tenor Joaquín Pixán pa La Nueva Canción Dialogada (2019); por Jesús Gavito pa música coral (2014) y pola compositora Ana Silva pal proyeutu Añadas (2019).